|
|
|
|
Foon
di 4.
tu di 6.6.1993 hääwe
we dåt Andersen-Hüs
önj Klookris forstald,
as üüsen wansch,
üüs tuhüs, üüsen
wäi.
Hi
sää nuch iinjsen
tunk tu åål
da wat hülpen
hääwe, dåt we
dåt hüs füngen
hääwe. Tu da
wat bait bagen sü
maning stüne årbeden,
tu da wat
üüsen wäi ma gängen
san än ai tuleest
tu e NOSPA, e Brönjkas
Provinzial än e
LBS, for dåt wat
döör jare heelp
möölik wörden
as önj da leeste
tiin iir. For ålem
ouers tu da
heelpere, stjör,
bairädj än kultuurütschus,
wat arken däi
ma deertu baidreege
dåt en unernaamen
as üüs Andersen-Hüs
bestönje koon, iirenåmtlik,
ferstoont ham. Dan trätjen da Latje Loosche ap än süngen. Hauke Christiansen broocht da lukwansche foon e Gemiinde Risem-Lonham. Dåt hüs heet en grut bedjüsing, as „Markenzeichen der Region“, wiset ouer 300 iir boogkultuur än wus önj en hiinjen tustånd, as di Frasche Feriin for e Ååstermååre et 1989 kååfd. Di feriin heet foole mödj bewised, goue toochte amseet än dåt hüs ma laawen feeld. Dåt Andersen-Hüs as üt e frasch kultuur ai wach tu tånken, jarst rucht ai dan, wan et am e tukamst gungt. Uk hi sää tunk for dåt wat heer lååsted wörden as än lååsted wårt, tu di formoon än sin gou „Team“ än wansched foole luk for e tukamst. Hi häi natöörlik uk wat mabroocht, e gemiinde wal tu dåt näist grut projäkt wat önjstoont, et teeken foon en grut stuk tååge än tou naie åke wat tudüünj. Klångspal fülid deeraw, ma musiik än schungen. Dan kömen da gröötnise foon da geeste. Tujarst foon Renate Schnack, jü broocht da lukwansche foon et Lönj Slaswik-Holstiinj. Uner en tååge foon inspiriirenden rüm, as jü sää, heer as di plåås for maning kultuure önjt Andersen-Hüs, dåt üülj wårt bewåård än di feriin löket önj e tukamst. Da dööre san ääm for enarken sunt tiin iir än heer wårt da manschne identitäät aw en gouen wäi näi broocht. Hans Otto Meier, foon e Frasche Feriin, grutliird tu tiin iir idee, iirenåmt än bedjüsing fort frasch. Di beeste bewis as, dåt dåt wat heer iir for iir mååget wårt önjnümen wårt. Än
Dr. Alastair Walker grööted foon et Uurdebökstää önj Kil än sää, dåt we stult weese koone aw üüs hüs, dåt 1995 ma di 1. pris üttiiknet wörden as (Bundespreis für Handwerk in der Denkmalspflege). Hi kamt ålt hål wi heer haane, as iirenlasmoot än uk ma sin studänte. Preester Spießwinkwel miinjd, dåt dåt Andersen-Hüs en ouremätje gou objäkt än projäkt as, as kulturäl stää for Risem-Lonham än trinambai, ouers uk widere wach. Dåt årbe wat heer dänj wart, as ma giilj ai tu betåålen. Günter Jåpsen grutliird foon e Frasche Feriin Naibel-Deesbel än uk foon e Wisinghiird. Hi wansched üs maning junge manschne, wat dåt wat schååfed wörden as uk wideremååge. Petra Hansen grööted foon e Frasche Rädj än foon e HGV Risem-Lonham. Jü froid har deerouer, dåt dåt årbe, wat ålt mör wörden as, önj di räärie Frasche Feriin for e Ååstermååre sü aktiif önjnümen wårt. Jü broocht en stuk foon di grute foone ma, wat bait Friesenschopping sait wörden as, sü as arken wat spräägen heet wat ma häi, än deerfor betunked ham üüsen jarste formoon Thomas Heinsen awt leest. Hi slüütj ouf ma da uurde: Dåt Andersen-Hüs schal foont laawen laawe. Dan
jäif et nuch hu
büsche än en glees
win. Et wjarn hu
meeklike stüne,
än dåt wat säid
wörden as mätj
en grün weese sü
widere tu måågen, ma
en uuge for e histoorie
än en uug for
e tukamst, ma åål
üüs sane for
üüsen hiimstoun
än aw naier
frasch, uk for
üüs identitäät.
Jüst deerfor as
et Andersen-Hüs tu e rucht
tid aw di ruchte
wäi broocht wörden.
Sönke
Namanny |
|
|
|
|
|
Latje Loosche |
Klångspal |
|
|
|
|
März 2010 © 2001 Andersen-Hüs/Knudsen Home |
|
